Wederkoms
LOFTUS MARAIS
en wanneer die ramshorings blaas
en die hele wêreld terugtrek jerusalem toe
in gypsy-karavane en campers
en in busse en busse vol afgepisde ateïste
sal ek myself mooimaak
regmaak
ek sal my sondes soos juwele dra
want hulle is mýne
my gitrok sal skitter
’n parfuum van skande en swael
sal om my hang
en wanneer ek voor Hom moet staan
sal ek verwyfd curtsy
en vir Hom netjies verduidelik
dat my catsuit
(opgevou in die groot tas langs die vanity case)
fire-resistant is
Klyntji
Deel hierdie storie
Eerste en oudste Afrikaanse tydskrif, sedert 1896
Ons bou aan ’n moderne beeld van hoe Afrikaanswees lyk, lees en klink. Het jy van Wederkoms gehou? Dan ondersteun ons. Vriende van Klyntji word op hierdie bladsy gelys.
