Marnus Strydom se foto's van drag queen Shenay O'Brien

Ontbloot in die reeks 'Dragging The Lake'

Fotograaf Marnus Strydom het die aand toe hy die eerste keer vir Thiart Li ontmoet het hierdie foto’s geneem. Die shoot was onbeplan. Thiart is in Pretoria gebore en woon tans in Johannesburg. Hy is ’n akteur, MC en sanger, tog meestal bekend as Shenay O' Brien, aktrise, MC en sangeres. Shenay was die eerste drag queen wat ’n golden ticket ontvang het in die Suid-Afrikaanse weergawe van Idols. “Thiart en Shenay het baie in gemeen maar tog verskil hulle in karakter. Met Dragging The Lake het ek gaan kyk waar die twee bymekaar kom. Soos die titel voorstel, het ek iets gaan soek op die bodem van die onsigbare.”

Thiart is tans besig om 'n LGBTI+ online talkshow series te verfilm – We’re Queer, My Dear – waar s/hy as deel van ’n paneel van vier mense queer issues takel. Die eerste episode gaan oor geloof, waar daar met ’n dominee gepraat word wat een van die eerste homoseksuele kerke gestig het.