Matty Roodt is kapitalisties uitgeput

Ek is 'n gemors, laat my rus

Moeg daarvoor dat alles om geld draai? Jy is nie die enigste een nie. Just let me sleep: I am a mess (2019), ’n installasiewerk deur die Kaapse kunstenaar Matty Roodt wat by Daor Contemporary in Kaapstad vertoon word, handel oor “late capitalist fatique”. Die idee word geskep dat die natuur oor die menslike kwaliteit van moegheid beskik, deurdat dit vra om alleen gelaat te word om te rus. Greta Thunberg vibes. Kapitalisme se aandrang op alewige produksie en ekonomiese groei ten koste van volhoubaarheid, die natuur en die mens, word gekritiseer. Die werk praat ook oor kwessies aangaande geestesgesondheid en uitbranding, geïnspireer deur die kunstenaar se stryd om uit die bed te klim. Die bed word uitgebeeld as ’n veilige plek om te herstel.

Die foto’s is geneem deur Maghiel van Dorssen.