Van die redakteur

Klyntji het oorgeslaan na ’n nuwe hoofstuk. Vir die eerste keer sedert dié webjoernaal se ontstaan in 2014, het ons beskikbare begroting om bydraers te vergoed. Ons is dus op soek na inhoudsvervaardigers: wil jy vir Klyntji skryf of visuele inhoud vervaardig? Hier is inligting oor voorleggings. Klyntji bly nie-kommersieel ingestel om diverse en progressiewe kuns en kultuur te bevorder. Hoe klink en lyk Afrikaans en Suid-Afrikanerskap? Die antwoord lê opgesluit in oneindige veelvoude.

Klyntji word bestuur deur ’n groeiende redaksie en gereelde bydraers kan in aanmerking geneem word vir redaksionele posisies. My dank gaan veral aan Elodi Troskie, inhoudsredakteur, en Elzanne Coetzee, teksredakteur, wat vir ’n paar jaar heeltemal vrywillig Klyntji help uitbou het, sowel as talle ander bydraers.

As onafhanklike publikasie maak ons staat op lesers se donasies, beide eenmalig en maandeliks. Ons bedieningkostes word deur lesersgeld gedek, maar ons moet nog vanjaar heelwat insamel om gelyk te breek. Jy kan Klyntji steun van so min as R20 p/m of ’n eenmalige bedrag van jou keuse – jy word boonop op die naam erken as ’n vriend van Klyntji. Wat is Klyntji vir jou werd?

Ons Kaapse vriende wat werk aan die jaarlikse Ons Klyntji zine in gedrukte formaat het sopas die oproep om bydraes vir vanjaar se zine oopgemaak. Jy het tot 27 Junie om jou werk voor te lê. Vorige jaargange is as PDF’s beskikbaar in die digitale Ons Klyntji-argief.

Hier is ’n paar van ons stories sedert ons vorige nuusbrief.

Francois Lion-Cachet
Hoofredakeur

Hier ga’t ons!

BORG KLYNTJI: klyntji.com/skenk

STORIE-VOORLEGGINGS: klyntji.com/voorleggings

“As jy nie deel is van hierdie gemeenskap nie, is jy genooi, met plesier. Maa os gaan nie vi jou ’n orientation gie nie, en os gan ookie osself plaas in relation tot jou nie. Val net in.”

— Amy Jephta

Klyntji se storievervaardiging word ondersteun deur die Trust vir Afrikaanse Kuns, Kultuur en Erfenis (TAKKE)